ITALIA 2018: Listaxe provisoria de admisión

Dada a grande demanda de participación (44 solicitudes), a organización decidiu ampliar de 25 a 30 o número de prazas dispoñibles na viaxe.

Podedes consultar a listaxe provisoria de admitidos e reservas premendo no seguinte enlace:

LISTAXE PROVISORIA ITALIA 2018 (15-12-2017)

Para os admitid@s, lembrade que tedes que facer o 1º pagamento (300 €) ata o mércores 20 de decembro, a xeito de confirmación de reserva de praza.

Tamén podedes descargar a última versión do Programa Provisorio da viaxe, que incorpora algúns pequenos cambios respecto do programa inicial.

ITALIA 2018 Programa provisorio (versión 15-12-2017)

Viaxe ITALIA 2018: Formulario de Inscrición

Italia 2018: FORMULARIO DE (PRE)INSCRICIÓN

Se estás interesado en participar, apúntate canto antes enchendo e enviando o seguinte formulario de pre-inscrición.

Inscríbete rápido, porque o prazo remata o xoves 14 de decembro de 2017, e soamente hai 25 prazas dispoñibles.

Terán prioridade os alumnos, profesores, egresados e investigadores de Historia da Uvigo (grao, licenciatura, máster/doutoramento) e mais todos aqueles que acheguen infraestructuras necesarias para a viaxe (conductores en Italia, coches ao aeroporto de Madrid, GPS). Se houbese prazas libres, tamén poderán participar alumnos/egresados procedentes doutras licenciaturas afines da Uvigo, doutras universidades e incluso acompañantes externos.

https://docs.google.com/forms/d/14WJXQ8JEmr2A1pfbM7fnKDY3d9x8fWohU7v17pk-_1w/edit?usp=sharing

Viaxe ITALIA 2018: Programa provisional

O 9º Viaggio di Studi Archeologici ITALIA 2018 terá lugar do 9 ao 19 de febreiro de 2018 (¡nada menos que 11 días durante a semana do Entroido!).

O prezo aproximado será de ao redor de 400 euros por persoa.

Podes descargar o Programa Provisorio da viaxe premendo no seguinte enlace:

Programa provisional ITALIA 2018

9ª viaxe de estudos arqueolóxicos: Sur de ITALIA 2018

Olá a tod@s!!!

Por fin xa está aquí a 9ª Viaxe de Estudos Arqueolóxicos que facemos tódolos anos desde Ourense, organizada pola área de Arqueoloxía e mais a Delegación de Alumnos da facultade de Historia.

Nesta ocasión voltaremos a Italia, como en 2014, pero agora ao 'profundo' sur (Campania, Puglia, Basilicata, Calabria), visitando sitios tan senlleiros como Pompeia ou Ercolano.

A viaxe será, como sempre, durante a semana do Entroido de 2018.

Estade atentos, porque nuns días aparecerán no blogue tanto o programa provisional como o formulario de inscrición.

MARROCOS 2017: saída inminente

Mañá xoves 23 pola noite iniciaremos a nova "expedición" arqueolóxica deste ano, a primeira que será no continente africano.

Serán 10 días intensos, pasando por Tánger, Larache, Rabat, Meknés, Fez e Tetuán.

Aquí tedes o enlace para descargarvos o programa definitivo da viaxe:

https://drive.google.com/file/d/0Bz0ZhW--4XJXbWxaeC1oS081cXM/view?usp=sharing

Boa viaxe!! Saúde e sorte!!

Marrocos 2017 no DUVI!!!

Pois resulta que falan da nosa próxima viaxe a Marrocos no Diario da Universidade de Vigo (DUVI)........

http://duvi.uvigo.es/index.php?option=com_content&task=view&id=12383&Itemid=59

Viaxe de prácticas (Prehistoria+Arqueoloxía) a Asturias e León

21-23 de Abril 2017

Viaxe de prácticas oficiais das materias de Prehistoria e Arqueoloxía do Grao en Historia da Universidade de Vigo, destinado exclusivamente para a comunidade universitaria de Historia de Ourense (alumnos, doutorandos, egresados).

Para descargar o programa, podedes premer AQUÍ

55 prazas disponibles (capacidade máxima do autobús). Prioridade para os alumnos/profesores oficiais en viaxe de prácticas (aprox. 40 persoas). As prazas que fiquen libres (aprox. 15) poderán ser ocupadas por calquera outro alumno de Historia interesado.

INSCRICIÓN E PAGAMENTO:

v  Cubrir e enviar o formulario de inscrición que poderedes atopar no seguinte enlace: https://drive.google.com/open?id=1pxAuBu5AHrqihQShyQ0HCeNm4WwRhHHm79ekthxskzQ

            Prazo inscrición ata o luns 6 de febreiro.

v  Efectuar o pagamento da cuota da viaxe en tempo e forma. Cantidade: 45 €. Prazo: ata o luns 13 de febreiro ás 14:00 horas. Sistema: ingreso ou transferencia á conta nº 0049 6143 82 2190070201 (Santander, Oficina Campus), indicando no “concepto” o nome da persoa que acude á viaxe.