Listaxe de admisión/espera na viaxe

Dada a grande demanda de solicitudes (42) para acudir á viaxe, a organización decidíu ampliar a súa capacidade desde 25 ata 30 prazas dispoñibles.

Aínda así non tod@s puideron ser admitidos en primeira instancia, establecéndose a correspondente listaxe de espera.

Os admitid@s deberán efectuar un primeiro pagamento de 300 €, a xeito de confirmación e reserva de praza, ata o martes 8 de xaneiro de 2019. As prazas dos que non paguen en tempo e forma inmediatamente serán ofrecidas (días 9 e 10 de xaneiro) ós da listaxe de reservas.

Podedes descargar a listaxe no seguinte enlace:

https://drive.google.com/open?id=1qwKJqKPYjKx6c28zDLxV0JX0pLfp2tKt

Programa PROVISIONAL da viaxe

A viaxe BULGARIA 2019 será desde o venres 1 ao luns 11 de marzo de 2019 (nada menos que 11 días durante a semana do Entroido!!). Hai 25 prazas dispoñibles.

Imos a Madrid en coches particulares a coller o avión e despois desprazarémonos por Bulgaria en coches alugados. O aloxamento será en Hoteis ou Hostels, en cuartos múltiples, con ou sen baño no cuarto e co pequeno almorzo incluído.

O orzamento non chega a superar os 400 euros por persoa!!

Podedes descargar o Programa Provisional no seguinte enlace:

https://drive.google.com/file/d/10e-3Dq0quF19aokUxSIfv7nlSEz9X6jJ/view?usp=sharing

Viaxe BULGARIA 2019 Formulario de pre-inscrición

Prioridade para alumnos, profesores, egresados e investigadores de Historia da Uvigo (grao, licenciatura, máster/doutoramento) que estean directamente relacionados coa arqueoloxía, e para todos aqueles que acheguen infraestructuras necesarias para a viaxe (conductores en Bulgaria, coches ao aeroporto de Madrid). Se houbese prazas libres, tamén poderán participar alumnos/egresados procedentes doutras licenciaturas afines da Uvigo, doutras universidades e incluso acompañantes externos.

Apúntate xa, porque as prazas voan e soamente hai 25 dispoñibles! O prazo de inscrición remata o domingo 23 de decembro.

FORMULARIO DE PRE-INSCRICIÓN

https://goo.gl/forms/fvapyqR2skx1FXRj1

10ª Viaxe de Estudos Arqueolóxicos: BULGARIA 2019

Estamos de aniversario! Coa próxima saída, en marzo de 2019, cumpriremos 10 anos ininterrumpidos de viaxes arqueolóxicas, desde Ourense para o Mundo!

A 10ª viaxe de estudos arqueolóxicos será a un exótico destino de Europa do leste, tan pouco coñecido como apaixonante e cautivador, como é BULGARIA/България 2019.

Non deixes pasar esta ocasión e fica atento, porque nuns días aparecera neste blogue tanto o programa provisional como a ficha de inscrición.

Videos da pasada viaxe MARROCOS 2017

Marrocos 2017 by Fermín

Marrocos 2017 by Sandra

(Este es el bueno.......)

Marrocos 2017 by Martín Cuenca

SurItalia 2018: novas publicadas no DUVI

SURITALIA 2018: O ANTES E O DESPOIS

Aquí tedes os enlaces ás novas publicadas no DUVI (Diario dixital da Universidade de Vigo) sobre a viaxe, a primeira delas de tres días antes de sairmos para Italia e a segunda de dous dias despois de voltarmos a Ourense.

Admítense análises comparativas....

DUVI 06/02/2018
https://duvi.uvigo.gal/duvi_gl/contenido/artigos/alumnado/2018/02/artigo_0003.html 

A actividade desenvolverase do 9 ao 19 de febreiro

30 persoas percorrerán o sur de Italia na IX Viaxe de Estudos Arqueolóxicos

Pompeia e Nápoles serán dos dous enclaves que visitarán

DUVI 23/02/2018
https://duvi.uvigo.gal/duvi_gl/contenido/artigos/alumnado/2018/02/artigo_0014.html

Regresan os 30 membros da comunidade universitaria que participaron na IX Viaxe de Estudos Arqueolóxicos

'Arrivederci' Italia!

Durante once días percorreron o sur dese país

Viaxe de prácticas oficiais de campo (Prehistoria+Arqueoloxía) do Grao de Historia da Uvigo

Viaxe de estudios (museos e xacementos arqueolóxicos) á provincia de Zamora e ao NE de Portugal (Tras-os-Montes e Alto Douro)

Coordinación: L. Castro Pérez (Prehistoria), F. Pérez Losada (Arqueoloxía)

Datas: 20-22 de Abril 2018 (venres, sábado e domingo)

Exclusivamente para alumn@ de Historia da Uvigo!!

Prioridade para alumn@s/profesores oficiais en viaxe de prácticas (Prehistoria Xeral de 1º e Arqueoloxía Aplicada de 2º; aprox. 40 persoas). As prazas que fiquen libres (aprox. 8) poderán ser ocupadas por calquera outro alumno (grao, máster, doutoramento) ou egresado recente de Historia interesado.

Prazo de inscrición/pagamento: ata o mércores 28 de febreiro de 2018.

Programa da viaxe:

https://drive.google.com/file/d/1NcLGKIYrCFZgziK34819dGZI2JC6c9ka/view?usp=sharing

Ficha de inscrición:

https://goo.gl/forms/vL3KEeMNoK8NJ6cH3

PROGRAMA DEFINITIVO "SUR DE ITALIA 2018"

A tres días de sairmos para Lamezia Terme, aquí tedes o PROGRAMA DEFINITIVO da viaxe de estudos arqueolóxicos "Sur de Italia 2018":

PROGRAMA DEFINITIVO ITALIA 2018

Tamén podedes consultar o mapa interactivo da viaxe que está en:

MAPA INTERACTIVO ITALIA 2018

Boa sorte e boa viaxe!!!