VIAXE PRÁCTICAS CAMPO ARQUEOLOXÍA

Xacementos castrexos e romanos do norte de Portugal

[Maio 2026]

Corta da Ribeirinha en Trêsminas

Prioridade absoluta (40 prazas reservadas mínimo) para os alumnos de 2º (Arqueoloxía Aplicada) en viaxe oficial de prácticas. As prazas que sobren (ca. 10) quedarán dispoñibles para o resto de alumnos (Grao-Máster-Doutoramento, especialmente para os de os de Teoría e Método da Arqueoloxía de 1º curso), e profesores ou egresados recentes de Xeografía e Historia que estean interesados na viaxe.

PROGRAMA DA VIAXE

Para participar na viaxe é obrigatório inscribirse previamente (tanto os alumnos de 2º en viaxe oficial de prácticas como as persoas de participación libre) ao traveso do formulário online seguinte. Prazo de inscrición ata o venres 27/03/2026 ás 14:00 horas.

Formulario inscrición viaxe norte Portugal

                      16ª VIAXE DE ESTUDOS ARQUEOLÓXICOS:

                      TUNISIA 2026

Estas viaxes son promovidas e organizadas, desde hai moitos anos, pola área de Arqueoloxía (integrada no GEAAT, Grupo de Estudos de Arqueoloxía, Antigüidade e Territorio), e máis pola Delegación de Alumnos da Facultade de Historia (DAFHO).

A filosofía que as inspira é que sexan culturalmente atractivas, centradas na temática arqueolóxica e patrimonial, pero moi diferentes dos packs turísticos convencionais ofertados nas axencias de viaxes. De feito, caracterízanse por seren totalmente autoxestionadas, bastante alternativas (ás veces mesmo algo aventureiras), moi participativas e colaborativas e, sobre todo, o máis low cost posible.

A proposta para 2026 é Tunisia, un país cheo de vestixios arqueolóxicos (púnicos, númidas, romanos, bizantinos e islámicos) de 1º nivel, destacando a magnífica colección de mosaicos do Museo do Bardo en Tunis. A viaxe será despois de Semana Santa, durante o mes de abril (do 15 ao 25 de abril 2026).

Para saber polo miúdo datas, prezos, percorridos, prazas e condicións podedes consultar o programa provisional da viaxe:

Prog provisional Tunisia 2026 

********************************************************

Formulario de inscrición online dispoñible en:

Formulario Inscrición Tunisia 2026

* Previsto 20 prazas (=4 coches de 5 prazas). Ampliable ata 25 prazas (=5 coches) se houbese moita demanda e isto non implicase incremento exponencial do prezo da cota da viaxe.

* Prazo de inscrición: desde as 14:00 horas do martes 03/03/2026 ata, como máximo, o martes 10/03/2026 ou que se esgoten as prazas, o que ocorra antes.

* Prioridade para alumnxs, profesorxs, egresadxs e investigadorxs de Historia da Uvigo (grao, licenciatura, mestrado/doutoramento) que estean directamente relacionados coa arqueoloxía, alumnxs/profesorxs/egresadxs do Máster de Arqueoloxía (USC-UVigo-UDC), arqueólogxs profesionais do NO peninsular, e para todxs aquelxs que acheguen infraestruturas necesarias para a viaxe (condutores en Tunisia, coches ao aeroporto de Madrid). Se houbese prazas libres, tamén poderán participar alumnxs/egresadxs procedentes doutras titulacións afíns da Uvigo, doutras universidades e incluso acompañantes externos. A igualdade de condicións terase en conta a data/hora de inscrición.

* No formulario hai que comprometerse a efectuar o pagamento inmediato da 1ª parte (400 €) da cota da viaxe. O xustificante do devandito pagamento terá que ser remitido por correo electrónico a (fermin@uvigo.gal) ou WhatsApp (+34657303607) de xeito inmediato ou, como máximo, nas 24 horas seguintes ao envío do formulario. En caso contrario, a inscrición na viaxe non se considerará válida.